lunes, 31 de marzo de 2008

Polo cítrico

Hoxe probei a cociñar unhas peitugas de polo cun toque diferente. Fíxenas en tiriñas coma esas que nos poñen nos restaurantes chineses. Levaba as suas verduriñas pochadas a lume lento (cebola, porro en pouca cantidade, pemento verde e máis vermello e un dentiño de allo) e un pedaciño de pulpa de tamarindo, coma no cantar, que lle deu un toque ácedo moi gostoso. A continuación botei o polo á tixola e despois de se dourar un pouquiño salgueino e pimenteino con pementa de Xamaica (xa sabedes que son asidua). Rematando, e levantando o lume, botei por riba un chorriño de salsa de soia e mais un pouquiño menta picada. Non era fresca senon picada e conxelada previamente. Deulle un aroma moi agradable e mesmo un aire oriental moi especial.
Acompañeino dun arroz en branco ao que lle botei no lume unhas gotiñas de zume de limón. Hoxe deume polos cítricos. Non hai foto...

1 comentario:

Gourmet de provincias dijo...

Apuntado queda, que ten unha pinta boísima.

E noraboa polo cambio de imaxe do blog.