A verdade non contaba con facer este post, porque facer hamburguesas non me parece sequeira unha receta, non creo que haxa que dicir nada. Pero nestes meses teño falado con varias personas sobre a receita de facer hamburguesas na casa, e detecto que hai certo interés. Ademáis as fotos quedaron ben apetitosas así que imos dar un pouco de fame.
Todo isto comezou no verán pasado, que un sábado erguín con ganazas de tomar unha hamburguesa. Nun comenzo botei memoria por se había algún sitio en Vigo onde me apetecese ir a pillalas, pero ó instante mudei de opinión: preferín facelas na casa. Ademáis non leva tempo nengún.
Ingredientes:
- 200/300g Carne picada ( eu fun á unha carnicería do barrio - non vaiades a un supermercado, carafio - e pedín carne picada para facer hamburguesas, eles mesmos escolleronme dous tipos, unha máis magra e outra máis graxa e fixeronme o picado no momento )
- Sal
- Pementa
Salpimentei a carne (no meu caso é quere dicir que pimentei moito, porque non lle poño moito sal ás cousas, ademáis, a carne de tenreira xa me parece que de natural ten o punto axeitado), mezcleina e din forma a dúas hamburguesas.
Sobre a cantidade, nos restaurantes falan de hamburguesas de 200g ou 400g, eu fixen dúas de coma 150g e xa me pareceron ben grandes.
Algún preguntará: 'E o ovo?' Eu non lle puxen ovo. Se buscades en Internet a maioría das receitas en España din que hai que meterlle ovo (en outras ata din que hai que usar pan raiado). Eu fixeno así ás bravas. Agora a posteriori, mirando en Internet, as recetas americanas (que son os que sentan cátedra nesto das hamburguesas, por algo as inventaron) normalmente non levan ovo (e para nada pan raiado). Disque o ovo fai falla para darlle consistencia: as que eu fixen non lles facía falta. Pode que axudase (vin recomendacións de elo) que fixen as hamburguesas con tempo e as deixei collendo consistencia e comprimindoas un puouco (a Gordon Ramsey vinlle nun video que aconsellaba preparalas un pouco antes e metelas na neveira para que non se desfixesen logo - a min a idea ocurriuseme de casualidade).
E finalmente a última cousa que fixen foi untar un chisquiño de aceite unha plancha de ferro gorda e meterlle lume, moito lume. Tiña a idea que a hamburguesa tíñase que facer nun ferro moi quente, e así lle din.
Mirade coma quedou todo:
 |
| Hamburguesa xa ca forma Bolo de pan caseiro (na panadería) Queixo Larsa Trebol |
 |
| A todo lume na plancha, e tirando ó final metolle o queixo enriba e deixo que co calor da carne funda. |
 |
| Xa está lista para tomar (o queixo vai por baixo): ketchup e mostaza, e para dentro. |
5 comentarios:
Unha curiosidade: En Francia, nas cadeas internacionales usan steak haché!
Non entendín nunca porqué...
Hai unha cousa que de ser quisquilloso habería que deixar claro (e que eu non sabía e quedei un pouco de parvo por ahí fora): ainda que en España Hamburguesa se lle di á carne, para os americanos unha cousa é o bocadillo (Hamburguer), e outra cousa é a carne que ten un nome propio: PATTY.
Se cadra en Francia teñen razón se se refieren só o choio de dentro: tecnicamente non é unha hamburguesa.
Eu bótolle un pouquiño de mostaza de Dijon á carne antes de darlles forma. Nada de pan raiado e ovo ás veces. Proba o da mostaza, queda moi ben. Saúdos!
Neste caso tamén levaba mostaza de Dijon, pero por riba. Nunca probei a meterlla no medio, dame medo de que co calor da plancha colla mal sabor.
De feito a miña idea en xeral era que a hamburguesa fose carne pura e dura (non metín cebola nen a especiei demasiado), e que o sabor se lle engadira logo en quente cas salsas.
De todas formas algún día probarei a meterlla no medio (ainda que tardarei, non vexo que me vaia poñer a facer hamburguesas pronto)
Publicar un comentario