lunes, 20 de enero de 2014

Fácil, fácil (o problema son os ingredientes): Choucroute

Antes de que digades: ¡iso é unha receta alemana! Pois sí, é unha receta orixinaria de Alsacia, que é super alemana. Pero nota para curiosos: a preparación do repolo fermentado (sauerkraut), seica é cousa dos Chinos! 

Bueno, sexa o que sexa, París queda moi cerca de Alsacia (ben o saben os alemáns, que a pouco que se propoñan conquistar Francia chegan a París nun plisplás), e o plato, se ben non é Parisino (en calqueira caso, que é Parisino en realidade?) é moi popular na cidade. De feito en case todos os restaurantes populares hai un día a semana Choucroute (e outro día hai Cuscus, xa postos, outro plato moi popular en París). 

O de Choucroute é a versión breve do nome do prato: Choucrute Garnie: repolo fermentado cocido, salchichas e carne afumada ou salgada. 

Veña, vamos ó choio:

Preparar o repolo

O primeiro e conseguir repolo fermentado crú. A ver, aquí está o choio, conseguir repolo fermentado en España. A maior parte do que venden nas tendas (no Lidl sen ir máis lonxe) xa ven cocido (se non o tedes claro, se pon que leva viño e que xa o cocheron). Nese caso saltade este paso, ou máis ben case que saltade todos os pasos, porque a verdade é que mellor e telo crú e facelo ó gusto.

Porque a parte interesante é darlle o punto: hai xente que lle gusta máis feito a outra gustalle menos feito. Se he a primeira vez, ó cabo dunha hora probade, se ainda non vos gusta ide deixandoo máis tempo ata que esté no punto que prefirades.

Cóllese unha ola de bo tamaño, a ser posible con fondo difusor e unha bóa tapa. Collese un pouco de touciño ou panceta afumada (unha vez máis, crua, o 'beicon' que venden en España adoita a estar cocido xa), ceboliña e un chisco de allo. Un chorriño de aceite. (En Alsacia e Francia usaríase graxa de porco ou de pato). Isto é so de adorno e para dar sabor, non lle poñades demasiado de este sofrito. Deixase facer ata que o touciño está dourado. 

Entón metese o choucroute (un kilo ou un pouco máis). Enton engadese uns vasiños de auga e outros vasiños de viño. Non moito, non hai que cubrir a choucrute de líquido. Tamén se lle engade unhas cantas especias metendoas dentro da auga: unha folla de loureiro, sementes de xenebreiro, un clavo, uns grans de pementa negra.

E deixase facendo pouco a pouco. Máis dunha hora: unha hora a hora e media dependendo de coma vos guste. Ben tapado. Deste xeito vaise facendo lentamente, e non vos preocupedes, non queima nen pega á ola. 


A choucroute na ola, coma podedes ver esas cousiñas rosiñas son os cachos do touciño.


As salchichas

A ver, a choucroute garnie leva un acompañamento máis sofisticado: varios tipos de carne e tal. Pero bueno, aquí a idea é tamén que sexa un plato facil. En Francia onde venden o repolo, xa venden tamén os embutidos artesanos.

O tema é ¿venden este tipo de salchichas en España? Pois non sei. Estas dúas que saen na foto son:
  • as amarelas son salchichas de Estrasburgo (que non sei se alguén vende en España), fanse en 7 minutos apenas
  • a gorda é unha salchicha de Morteau e esta xa necesita 40 minutos! 
En calqueira caso as salchichas non se fan ca auga fervendo, se non a pouco lume, para que se vaian cocendo pouco a pouco.

Evidentemente as salchichas fanse ó mesmo tempo que está cocendo o repolo. Non unha detras da outra, que se non tomase unha das cousas fría.


E deixando pasar o tempo:

E xa está, esto non ten historia. Presentase no plato, e se vos gusta, un pouco de mostaza.



2 comentarios:

Hanna dijo...

Pois mira, esté verán estiven uns días por Alsacia, pero fun eu pensando más na Tartiflette que no choucroute, que o tiña asociado máis a Alemania. Estudiarei a receta, e polos ingredientes, mirarei a próxima vez que me acerque polo país veciño de traer (ou que me traian) unhas boas provisión.... ;-)
Que saibas que estou salivando a estas horas, so con mira-las fotos...jajajaja mellor vou durmir.
Graciñas Xose!!

Xose Ramos dijo...

Bueno, esta é a versión Parisina do plato Asaciano. Imaxino que para un Alsaciano podelle parecer incorrecto. (Como nos pasa ós galegos cando imos por Madrid e poñennos pulpo á feira mal feito e cousas de este estilo.).

Pero sí, está moi rico. A miña irmá usa este plato coma receta sinxela para sair do paso (é realmente fácil e non require estar na cociña vixilando todo, porque faise por tempo).