sábado, 11 de marzo de 2023

Que ben estivo Entreviños 2023!

 

Xa con ganas de EntreViños 2024!

A feira Entre Viños Muta foi "unha pasada"! 😊

Foi excelente e recomendo moito para que no próximo ano acudades.

Houbo moitas actividades e se ben o doming foi moito de probar viños e falar cos adegueiros, o sábado foi imprescindible porque tivemos unha sesión máis calmada onde poidemos probar viños e aprender moito de profesionais: Luis Paadin, Martiño Santos e Xosé Gontá

Que non todo é probar viños se non entender tamén algo do contexto e coma estan os viños galegos con respecto os de outros lados e que lle fai falla ó sector.

O domingo xa foi o desparrame. A posibilidade de probar viños a eito (uns cataban e escupian pero eu non, así que tiven que ir máis amodo ca outros).

O interesante non foi só catar viños. Alguns dos viños que poidemos probar non están no mercado, ou teñen tan poucas botellas que probablemente nunca os tomaríamos se non. E interesante poder probar experimentos e coñecer cousas que veñen.

Pero o que complementa todo é ter ó colleiteiro/adegueiro e que explique o que fai, non só nos viños se non na viña e na terra. Cantas cousas aprendín!










lunes, 23 de enero de 2023

De viños en Salvatera: Templum Sensibus



Eu soupera do Templum polas fotos que poñen de cando en cando no Instagram cas botellas que abriron... e vin que ahí había cousa bóa. Tanto en viños galegos, coma de outras partes da península e do mundo enteiro.


Así que cando me cadrou un día de andar polo condado de visita, atrasei un pouco o regreso a casa para probar viños (e facer un pouco de shopping).




Primeiro un par de viños da veciñanza: Terras do Sur (Crecente) branco, e o Deitado (Chan de Vide, As Neves) tinto.






E xa entrado en ritmo, pois xa pedín unha taboa de queixos e deixei que me escollese uns viños para acompañar, e escolleu un Txakoli (Peninsula) e un Oloroso peculiar (Agostado).




Por certo,¡Vaia queixos! Teñen moi bo material, e podeste pegar unha verdadeira homenaxe a queixos. Tamén teñen xamón ibérico e outras opcións para acompañar a bebida. Moi, moi bó picoteo. 

Para ir a tomar algo de tardiña en Salvaterra é un sitio fantástico. Teñen unha oferta de viños que vai cambiando co tempo, e aconsellanche e suxiren opcións. E non hai problema se vas con xente que quere cervexa (hai) ou refrescos (hai tamén). Así que é unha viñoteca tamén para non viñateiros.

Pero eh, que en realidade Templum é unha tenda. Unha tenda de viños e productos gourmet. Dos productos gourmet teñen de todo e moi bó.




En canto a viños, pois está moi interesante porque teñen viños da subzona do Condado de adegas pequenas que teñen pouca distribución. Eu aproveitei e merquei todo de Condado: Terras do Sur, Torgo &TAL e Deitado.




Pero teñen viños de todos lados, de outras partes de Galicia, de outras partes de España, de Portugal (teñen unha selección brutal de viños portugueses), de Francia, de Italia.. Así que tedes de todo.


Información:

Templum Sensibus

R. de Galicia, 5, 
36450 Salvaterra de Miño, 
Pontevedra

Instagram: https://www.instagram.com/templumsensibus/