Comida de Reclusión: Moussaka

Esta moussaka xurdiu de que cando cheguei ó super onte (logo de 20 minutos de fila con distancia de seguridade, coma ten que ser) vin que ninguén (e xa era sábado pola tarde) comprara nengunha berenxena. E coma unha bóa maneira de lle deixar comida ós que veñan detrás e mercar o que ninguén merca, cheguei a casa con dúas fermosas berenxenas.

Si, tamén merquei brécol. Pero ainda que virades memes en internet... o certo é que o brécol si se esta a vender (canda menos no meu supermercado) xa voara a metade dos que había.

¿E que carallo fago cas berenxenas? Pois tirei pola tradición de oriente medio que gostan moito do uso da berenxena. Vou facer: moussaka.

Baseime lixeiramente na receita que ten Jamie Oliver no seu Youtube. Pero só quedei cos tempos de cocción e pouco máis porque fixen unha moussaka moi extraña:

• berenxena cortada en laminas e asada no formo por 20 minutos 

• tomate e folla de cenoura picada para o recheo 

• e unha bechamel que fixen con aceite de oliva (porque non teño manteiga e non podo ir mercar) se queredes probar a receita a verdade está ben (eu so lle puxen 30 cl de leite, porque quería que quedase espesa)

             (leva unha chea de parmesano porque vai a gratinarse, e coma leva parmesano, non lle puxen sal á bechamel, porque se non vai quedar moi salgada)


Monto a miñas capas de berenxena, co tomate polo medio e a bechamel porriba. (Non tiña molde máis axeitado... en principio faise nun molde ancho e baixo, e eu só tiña este estreito e alto).

20 minutos no formo co Grill a tope e ca bandexa no medio ... e voilá:

Hala ... bo proveito: