Callos en Os Peares (que esta en A Estrada)

En A Estrada son todo un clásico: os callos de Os Peares, que esta no centro, pegado ó Mercado. ¿E que tal están?

Pois están moi ben. Incluso a min, que non me gustan os callos, metinlles o dente e quedei convencido. Sonvos un pouco diferentes do habitual ... a salsa é moi espesa e bastante especiada. Os garbanzos estaban firmes, non moi sobrecocidos. Igual ca o callo, que non estaba xelatinoso como en moitos sitios. A min e os acompañantes gustounos moito (e semella que a maioría de A Estrada tamén).


O Bar Os Peares é de estes lugares traen lembranza de fai tempo. A súa porta de madeira cun cartel pintado de hai anos. 

De este sitios onde tes a carta pintada nunha pizarra.

Teñen viño da casa en cuncas:

Ademáis dos callos, probámoslle as croquetas. Coma podedes ver son da casa, claramente (non hai 2 que teñan o mesmo tamaño). 

Tamén teñen richada.

E de postre teñen unhas filloas, que si son filloas (e non crepes coma en moitos sitios). Grandes, finiñas ... 

E teñen a tarta de queixo coma a que facía a túa nai. 

Moi bo sitio, totalmente recomendable.