Pizza Fritta Napoletana

 Na miña viaxe a Nápoles unha das cousas que máis tiña interés era en poder probar a pizza fritta. Así na distancia pensaba ¿unha empanadilla? ¿un calzone frito? ¿Coma sería de diferente? 

Logo resultou que me liei un pouco co tema dos horarios e as cousas non puiden ir a tomar as pizzas fritas que eu tiña en mente... pero Nápoles hai tantas pizzerias coma sitios onde tomar pizzas fritas (¿podémolas chamar pizzerias ou como?). Unha nota, coido que hai algunha pizzeria que fai as dúas cousas, pero en xeral vin que teñen separados os dous negocios: unhas só fan ó forno e outras só fan fritas (ainda que moitas das pizzerias famosas da cidade teñen os seus locales de pizza frita). 

Eu din con 1947 Pizza Fritta aberta. Eu que son moi quisquilloso pensei en que era un tanto pijotera, pero era tarde, estaba todo pechando ou non había sitio, e non quería quedar sen probar isto. Así que alá fun. 

Mira, o menú online desta pizzeria é xenial para que vexades as fotos de todas. Tradicionalmente a maioría das pizzas frittas que vin teñen forma de media lúa (coma unha empanadilla), pero tamén as hai redondas. 

Eu pedin un exemplar curioso e contuntende: pizza de grelos (friarielli), provola e rixóns (cicoli). E levei a sorpresa que era redonda, grande e viña ben inflada. 

Inicialmente empachoume un pouco. Claro, toda esa masa frita, quente, e ademáis con todo ese queixo e porco... non é precisamente algo bó para as ceas. 

Pero ... logo mira, ó día seguinte tiña ganas de volver a probar unha pizza frita. Oes, está rica, ten unha cousa moi especial, e mira, quedei con moi bó recordo. 

(O tema é que tiña que probar outras moitas cousas en Nápoles e decidín non repetir pizza frita, pero agora quedo ca pena de non ter probado máis. Para outra viaxe). 

E sobre se é coma unha empanadilla ou se é coma un calzone... pois non sei, coido que non é o mesmo. Para empezar ven sempre recén feita e quente. A segunda cousa é que usan masa levedada, co que ven bastante aireada (as empanadillas adoitan a ser tirando a compactas). E non sei, co tema do calzone non sei. A principal diferencia que sí vexo é que a maioría das pizzas frittas non levan tanto queixo nen tentan parecer unha pizza ó forno. 

Bueno, e non sei, se ides por Nápoles, hai varios sitios ben famosos de pizza fritta. Os máis auténticos funcionan durante o día (claramente cenar pizza frita é un pouco arriscado). 

• La Masardona: https://www.instagram.com/lamasardona

E se coma me pasou a min, non podedes ír ó mediodía, pois podedes ir a 1947 Pizza Frita, que está aberta ata ben tarde:

• 1947 Pizza Fritta: https://1947pizzafritta.it