sábado, 1 de octubre de 2022

Peras con Viño

 A miña tía regaloume uns peróns preciosos, e ainda un chisco verdes. Os perfectos para facer peras ó viño. 

Unha das cousas xeniais das peras ó viño é que podes gardalas varios días. De feito eu considero que estan no seu punto logo dun par de días no viño. 

A receita non ten historia e realmente nin fai falla poñela. Pero se caedes nesta páxina buscando, pois porque non dicir a que usei. 

Ingredientes

  • Media ducía de peras ainda non moi maduras
  • Medio litro de viño tinto (eu usei un mencía de batalla, sen DO, con pouco alcohol pero cor intensa)
  • 150g de azucre (eu usei azucre morena, pero calqueira vale)
  • un vaso de auga
  • zume de medio limón
  • codia de limón 
  • canela
  • anis estrelado
  • cardamomo (habitualmente usanse as vainas, pero eu so tiña as sementes e vale igual) 


Preparación

  • Pelar as peras deixando o rabo (eu tamén deixo o caliz de embaixo, logo cando se vai comer, pois iso non se come e xa está) 
  • Preparar un sirope quentando a auga e o azucre a lume baixo
  • Cando esté disolto engadir as especies, a codia de limón e o zume de limón

  • Neste momento engadir o viño e deixar que se quente a lume medio (sen que ferva) 
  • Engadir as peras no viño 

( A idea e que o viño cubra completamente ás peras, pero as peras aboian, así que o que fago e de cando en cando movoas un pouco para que empape co viño). 

  • Deixoas 1 hora a lume medio, que case non ferva. 
  • Finalmente a están, coma vedes pillaron a cor. 



Agora comémolas de sobremesa. Pero non tiro o viño, porque o que fago e que as que sobran gardoas no viño e quedan para outro día. 

E xa está todo. Bo proveito. 


No hay comentarios: