Vigourmet, breve pero intenso

A semana pasada estaba todo contento porque na fin de semana íamos a ter o Vigourmet e tiveran o detalle de invitarme coma blogueiro (tiña pase de prensa e podía andar por alí fedellando). (Por suposto, moitas gracias ós organizadores de Vigourmet polo detalle)

Pero coma se dicía antes: "o home propón e Deus dispón". Finalmente tiven líos de vario tipo (traballo e outras cuestións) e finalmente a miña presencia no Vigourmet foi moi breve: apenas estiven o sábado pola tarde. Canto o lamento. De feito, perdín moitas das presentacións dos cociñeiros que eran as cousas que máis desexaba ver.

As vistas que tiñamos dende o Vigourmet

Si que estiven no encontro de blogueiros gastronómicos que tivo lugar durante o Vigourmet. Quedei un pouco frustrado, porque tentei redirixir a discusión a outro enfoque, e aportar o punto de vista que unha das cousas bóas dos blogs gastronómicos é que a xente fala de cousas que por pequenas ou pouco importantes que non se tratan en outros lugares, que logo co paso do tempo poden logo ter máis repercusión. Vamos, que os blogs poden funcionar ás veces "de embaixo a enriba". Pero bueno, a idea non trabou e tratouse máis ben de outros temas, máis que de temas de outras polémicas.

Encontro de blogueiros gastronómicos

Por certo que en varios momentos cando se puxo un exemplo dun blogueiro famoso ... mencionamos sempre a un mesmo paisano ... podedes imaxinar quen? (Oops, dixen 'paisano', xa tedes unha pista que facilita o acerto nun 50%)

Entre outras cousas nas que asistín, estiven nunha presentación de licores artesanais de Casa Alongos e de pasteis da confitería Trisquel, ambos de Melide. O cal, estivo moi interesante, porque ainda que non os probamos, falamos dos ricos de Melide.

Ah, e outra cousa interesante foi que descubrín dun Albariño que se fai no Morrazo (parte de Vilaboa): Os Areeiros.

Albariño Os Areeiros, made in Morrazo

Albariño, pero non Rías Baixas. O viño está fora da Denominación de Orixe. Segundo me comentaron leva anos pedindo entrar na DO, pero estes non están por elo. O cal non entendo moi ben. Eu entendo que o Morrazo e moitas outras partes das Rías Baixas deberían entrar por razóns lóxica dentro da DO. Non sei coma funciona esto, e porque non, pero de principio, espero que non sexa mangoneo.  En canto ó viño, a min gustoume, e de feito levei unha botella para darlle a probar á familia.

Bueno, pero non quero que quededes sen saber do que pasou en Vigourmet. Por sorte outros compañeiros blogueiros pódenvos contar moito máis:

• Travi en La Cocina fala de Vigourmet e das 5 sensacións
• Benbo fai un resumo de todo o Vigourmet

Oops ... vaia, ainda non hai moitos .... bueno completarei o post conforme os outros asistentens vaian engadindo posts. (Desculpas se algún outro publicárades post, pero levo coma media hora revolvendo a internés e non dou topado máis, xurovos que cando vexa os posts, engadoos)

E ainda que non é específico de Vigourmet, o blog de Rock & Cook fixo unha entrevista a cociñeiros sobre música e cociña, e gustoume moitísimo a idea:

• “La cocina es como un concierto”. Iago Castrillón responde al “Cuestionario Proust” de Rock and Cook