¿Onde está o meu queixo?

O outro día tomamos unha quesadilla ben sabrosa (ó comal, que quere dicir feita a plancha porque tamén hai quesadillas fritas).

Pero esperade, unha cousa curiosa:

Esta quesadilla non ten queixo por nengún lado. (Era de flor de calabaza, levaba tamén elote, e algunha que outro vexetal, pero nada de queixo).

E así entrei en contacto cunha das mais grandes polémicas que hai en México co tema do xantar.

¿As quesadillas levan queixo ou non levan queixo?

O choio ten un ha connotación rexional e localista. Parece ser que en case todo México as quesadillas levan sempre queixo, e que en Cidade de México, en cambio fanas sen queixo. Así que a discusión entre coma son ou deixan de ser vai máis alá de gustos, se non que ten connotacións de identidade e localidade.

Eu sonvos de fora, así que para evitar tomar partido nesta discusión limitome a poñervos un par de enlaces.

Un para que vos divirtades: 

• Profeco multará a quien anuncie quesadillas y no les ponga queso

Outro máis informativo:

• Las quesadillas, ¿con queso o sin queso?

E non importa o cales sexan as correctas. Disfruten vostedes das súas quesadillas coma prefiran. A min gustanme máis sen queixo, e as de comal. (As quesadillas fritas son un pouco do xeito dunha empanadilla, eu non vos son moito de fritos).