viernes, 25 de enero de 2013

A disfrutalo mentras se poida: Eligio

Hai outra xente que fai verdadeiras peregrinacións buscando a mellor croqueta ou a mellor tortilla de patacas. (Duas cousas que a min non me tiran moito, non dou entendido tanta fascinación). No meu caso o que si que me motiva, é topar sitios onde teñan tapas de peixe. (E o certo é que se o pensades, cada vez hai menos sitios onde ofrezan racións de peixe, porque é unha incomodidade loxísica, por iso ten máis mérito ca outras cousas).

Así que por unha bóa ración de xoubas ... eu sería capaz de ir ó fin do mundo. Ainda que non fixo falta, porque o Eligio está no centriño de Vigo, ó lado de Principe.



O Eligio é un éxito de por sí. Contrariamente a outros sitios non ten que preocuparse de deseño ou decoración. De maneira natural é tradicional e chamativo, non lle fai falla andar con voltas.


Xoubas rebozadas (a razón que me trouxo aquí)

 E xa postos a darlle ó rebozado, estes chipiróns cun toque especial: viñan con cebola

 O Eligio é un sitio onde se coida o viño, así que cando pedimos un 'reserva' (un Rioja Reserva) , decantárono, para poder aprecialo ben. (Detalle a ter en conta).

Bueno, pois en resume, estamos falando dun lugar moi interesante e recomendable en Vigo. Un lugar moi enfocado e específico: só sirven viño, cervexa, tapas e racións. Un lugar fabuloso para compartir un viño e acompañar cuns pinchiños. Non é un restaurante, pero coma podedes ver, podese cenar ben.

Eligio  
Travesía Aurora, 4
Vigo
Telefono: 986 22 21 93



No hay comentarios: